नदिया के तीरे हो तीरे, अईले हो बरियतीया - कन्यादान के गीत

नदिया के तीरे हो तीरे
अईले हो बरियतीया
से देखि बेटी के पापा
ठोकी देनी केवड़िया

आरे काही उनुकर खईनी ये पापा
काही लेनी उधरिया
आहे कवने करनवे हे पापा
ठोकी देनी केवड़िया

पनवा उनुकर खईनी हो बेटी
फूलवा लेनी उधरिया
अरे तोहरे करनवा हो बेटी
साजन छेके दुअरिया

अरे पनवा उनुकर फेरि दी ये पापा
फूलवा दे दी उधरिया
अरे हमार क दी कन्यादनवा हो पापा
साजन छोड़ी दिहें दुअरिया

  • Share on:
Loading...