सूचना तकनीक के क्षेत्र में माइक्रोसॉफ़्ट झारखंड सरकार के मदद करी

सूचना तकनीक के क्षेत्र में माइक्रोसॉफ़्ट झारखंड सरकार के मदद करी

सूचना तकनीक के क्षेत्र में क्लाउड तकनीक के इस्तेमाल के बढ़ावा देवे खाती दुनिया के प्रमुख सॉफ्टवेयर कंपनी माइक्रोसॉफ़्ट अवुरी झारखंड सरकार के बीच 'मोमेंटम झारखंड : ग्लोबल इन्वेस्टर्स समिट और व्यापार प्रदर्शनी' के दौरान एगो सहमति पत्र (एमओयू) प हस्ताक्षर भईल।

माइक्रोसॉफ़्ट ओर से जारी एगो बयान के मुताबिक, "कंपनी (माइक्रोसॉफ़्ट) राज्य सरकार के क्लाउड अवुरी मोबाइल आधारित सॉफ्टवेयर के मदद से जनसेवा में सुधार लेआवे, खेतीबाड़ी अवुरी शिक्षा के क्षेत्र में सुविधा बढ़ावे में मदद करी।"

मालूम रहे कि, झारखंड सूचना तकनीक के मदद से 'स्किल इंडिया' अवुरी 'डिजिटल इंडिया' अभियान में बढ़-चढ़ के भाग लेता अवुरी राज्य में एकर तेज़ी से विस्तार करता।

सहमति पत्र के मुताबिक माइक्रोसॉफ़्ट सरकार के नागरिक सेवा में सुधार करे अवुरी डिजिटल तकनीक के मदद से जनता के जीवन में सुधार लेआवे में मदद करी। एकरा खाती कंपनी सरकार के आपन तकनीक उपलब्ध कराई।

झारखंड सरकार के सूचना तकनीक अवुरी ई-गवर्नेंस विभाग के निदेशक उमेश प्रसाद साह कहले कि, “झारखंड सरकार के क्लाउड अवुरी मोबाइल आधारित समाधान के विकसित करे में माइक्रोसॉफ़्ट मदद करी। संगे-संगे खेतीबाड़ी अवुरी शिक्षा के क्षेत्र में कम्प्यूटिंग के बढ़ावा देवे में सहयोग करी।"

ए मौका प माइक्रोसॉफ़्ट इंडिया के महाप्रबंधक संजीव गुप्ता कहले कि, "हमनी के खुशी बा कि झारखंड हमनी के तकनीकी ज्ञान के इस्तेमाल करत छात्र, किसान अवुरी जनता से सरकार दूरी कम करे के प्रयास करी। "

  • Share on:
Loading...