बिहार पुलिस में 11,865 पद प बम्पर बहाली, तुरंत आवेदन भेजी

बिहार पुलिस में 11,865 पद प बम्पर बहाली, तुरंत आवेदन भेजी

बिहार के पुलिस विभाग में नोकरी करे के इच्छुक अवुरी बेरोजगार लोग के राज्य के केंद्रीय चयन पर्षद (सिपाही भर्ती) सुनहरा मौका देलस।

बिहार पुलिस के अलग-अलग जिला इकाई में सिपाही (कांस्टेबल सामान्य ड्यूटी/जीडी), दमकलकर्मी (फायरमैन) समेत अलग-अलग 11,865 पद प बहाली खाती शनिवार के राज्य के केंद्रीय चयन पर्षद (सिपाही भर्ती) अधिसूचना जारी क देलस।

ए बहाली में भाग लेवे खाती आवेदक के उमर 18 साल से 25 साल के बीच होखे के चाही अवुरी एकरा खाती 28 मई, 2018 से 30 जून, 2018 के बीच केंद्रीय चयन पार्षद के आधिकारिक वेबसाइट से माध्यम से आवेदन कईल जा सकता।

उम्मीदवार के चुनाव लिखित, फिजिकल अवुरी मेडिकल परीक्षा के नतीजा के आधार प होई अवुरी एकरा खाती आवेदक के कम सेकम 12वां (इंटर) पास होखे के चाही। बहाली के पूरा ब्यौरा नीचे दिहल बा -

पद के नाम: सिपाही जनरल ड्यूटी (कांस्टेबल)
पद के संख्या: 9,900
पद के नाम: फायरमैन
पद के संख्या: 1,965

शैक्षणिक योग्यता: मान्यता प्राप्त संस्थान / बोर्ड से 12वां (इंटर) पास

शारीरिक योग्यता (पुरुष आवेदक)
लंबाई: सामान्य/अन्य पिछड़ा वर्ग - 165cm, अनुसूचित जाति/जनजाति - 160cm
सीना: सामान्य/अन्य पिछड़ा वर्ग - 81से 86cm, अनुसूचित जाति/जनजाति - 79 से 84cm
दौड़: 6 मिनट में 1.6 किलोमीटर
हाई जंप: 4 फीट
गोला फेंक: 16 पाउंड के 16 फीट तक

शारीरिक योग्यता (महिला आवेदक)
लंबाई: 155cm
दौड़: 6 मिनट में 1 किलोमीटर
लॉन्ग जंप: 3फीट
गोला फेंक: 12 पाउंड के 10 फीट तक

आयु सीमा: 18 साल से 25 साल के बीच। आरक्षित वर्ग के आवेदक के नियम के मुताबिक छुट मिली।

आवेदन शुल्क: सामान्य/ अन्य पिछड़ा/ एमबीसी वर्ग खाती 450 रुपया जबकि अनुसूचित जाति/जनजाति वर्ग खाती 112 रुपया।

चयन प्रक्रिया: उम्मीदवार के चुनाव प्रारंभिक परीक्षा, फिजिकल टेस्ट (PST) आ मुख्य लिखित परीक्षा के आधार प होई।

वेतनमान: 5,200 से 20,200 रुपया प्रतिमह के संगे 2,800 रुपया ग्रेड-पे।

आवेदन के विधि: विभाग के आधिकारिक वेबसाइट gad.bih.nic.in के माध्यम से सिर्फ ऑनलाइन।

आवेदन के अंतिम तारीख: 30 जून, 2018

केंद्रीय चयन पर्षद (सिपाही भर्ती) के ओर से ए बहाली खाती जारी भईल मूल अधिसूचना के देखे खाती इहाँ क्लिक करीं

  • Share on:
Loading...